Dimapur Changki Senso Telongjemi aitsür

Dimapur, August/Luroi 30 (TYO) : Mokokchung district kübok Tsutapela Check Gate nung Incharge,UBSI Athangba dak Luroi/August 23, 2018 nü par official kidang Platoon Commander, ABSI Sakuwatii par sepaitem anir prangpong amshia azükba mapaji kanga sashia aitsür ta Dimapur Changki Senso Telongjemi metetdaktsüogo. Iba ama inyakbaji nisung tepsetsü merangba mapa ka asütsü ta parnokisa metetdaktsü.
UBSI Athangba ya Dimapur Changki Senso Telongjem nung züngsem tajung ka, aser mapa nung kanga temulung agüja inyakba Police Officer ka lir ta parnokisa kuli agütsü.