IMCT-i Nagaland semdangtsü

Dimapur, Luroi (August) 31 (TYO): Nagaland nung taküm tzüngluruwa mapang lendong-tsüdong balala ajuruba atema Inter Ministerial Central Team (IMCT) kati September 4 nungi 7, 2018 tashi state semdangtsü, ta Nagaland State Disaster Management Authority (NSDMA), Home Department-i metetdaktsü.
Nagaland nung anentsüh aser tzümetsüng lendong balala ajanga takoksa bentsür aruba tesemtem IMCT-i ‘on -the-spot-assessment’ agitsü, ta Secretary to the Govt. of Nagaland, Rovilatuo Mor, IAS-i sangdong ka nung ashi.
IMCT ji Joint Secretary, MHA GoI K.B. Singh lenisüba kübok asütsü. NSDMA den DDMAs aser sendaktepa aliba department temi IMCT dang teraksa kanga mejungi anguba tesemtem tonga anir oa sayutsü, ta paisa shisem.