Manipur nung NIA-i sen lakh 48 apu

Imphal, Rongjui (September) 3 (Agencies): Kangleipak Communist Party (KCP) dak sendakba ken o bushisüngdangba mapang National Investigation Agency (NIA)-i tetsür ka ket nungi sen lakh 48 ngutet.
NIA-i March, 2017 nungi ken o bushisüngdanger aser iba ken o nung KCP ya Indian Penal Code (IPC) nung Arrla 120B aser Unlawful Activities (Prevention) Act kübok tai tonglokja lir.
Senji RIMS, Imphal nung mapa inyaker K Pramodini ket nung angu. Kulisürtem lia senji Pramodini okadak agütsü.
Senji tai tonglokja alisang Dr Mutum Shyamo Singh (JNIMS Hospital, Imphal ex-director) kinungtsü N Sobita Devi meyong lir.
Senji Sobita Devi-i Pramodini ket nung agütsü. KCP yaritsü atema Mutum Shyamo Singh-i senji bendena liasü, ta NIA-i bushitet.
July 6 nü NIA-i Singh apu aser iba mapang par ki mita aodang sen tasen 40,03,000 aser tejen 1,00,000 aliba angu.
Iba ken o bushisüngdangba mapang KCP ‘commander-in-chief’ Khoirom Ranjit Singh, aser pa den yaritepertem Irungbam Sanatombi Devi aser P Prem Kumar Meitei nunger apu aser Delhi nung aliba NIA special court nung July 10 nü chargesheet ka benoka liasü.
May 24 nunga Sanabam Inaobi Singh anema supplementary charge sheet ka benok.