Assam district 4 nung tzümetsüng agi timtemer

Guwahati, Rongjui (September) 3 (Agencies): Assam kübok district pezü nung nisung 12,000 dak tema tzümetsüng agi timtemer.
Tibet nungi yima aruba Siang ayong yimokdak Dhemaji district nung timtem tamajungba ajurua lir. Tang tashi nung nisung 50 shi taküm samaogo aser tanüngba district asemji Biswanath, Golaghat aser Sivasagar lir.
State disaster management authority ajanga ashiba agi Brahmaputra, Dhansiri aser Jia Bharali ayongtem nung tzü danger level mark adena ayimer.
Nagaland den arrtsüa aliba Sivasagar aser Golaghat district tem nung tzümetsüng agi kanga mejungi kongshia lir. Nagaland nung tzünglu kanga aruba ajanga Brahmaputra ayong nung tzü talila ayimer.
Guwahati nunga ghonda 12 shi ka tzünglu aruba ajanga Deobarnü tesem aika tzü agi mobang.