Mangkolemba nung Nutrition Week amung

Dimapur, Rongjui/Sept. 04 (TYO): Social Welfare Department-i achaayanga “Ensuring focused intervention on nutrition during the first 1000 days of the child: better child health” omen nung ajemdaker Mangkolemba, Town Hall nung Rongjui/Sept. 03, 2018 nü Block Level National Nutrition Week (Rongjui/September 1 – 7) mungogo.
Sentong agiba mapang “weight management and its importance through Body Mass Index (BMI)” onük nung ajemdaker Mangkolemba CHC MO, Dr. Jetilo Magh-i jembi. Iba sentong ya ASHA Coordinator, Arenla lennisüba kübok aka aser EAC Mangkolemba, Kedale Diana Sebu-i lokti pelaa agizükba o jembi. Maneni Mangkolemba, CDPO Imtinukshi-ia o tatsüka jembi.
Iba sentong nung Govt. Higher Secondary School, Mangkolemba aser Baptist Higher Secondary School, Mangkolemba nungi kaketshir parnok 100 shi arua aden.