Imran Khan tembar Arif Alvi ya Pakistan tir tasenba asütsü: Report

Islamabad, Rongjui/Sept. 04 (Agencies): Ato Kilonser Imran Khan’er Pakistan Tehreek-e-Insaf party tenzüker rongnung züngsem Dr Arif Alvi ya Pakistan Tir tasenba asütsü Sangtennü shimtetogo, ta osang ajanga ashi. Pakistan tir 13buba akümtsü asoshi toktepba nung Alvi-i Pakistan Peoples Party candidate Aitzaz Ahsan aser Pakistan Muslim League-N nominee Maulana Fazl ur Rehman na madak takok angu.
National Assembly aser Senate nung vote 430 agütsüba nung Alvi-i vote 212 angu, Rehman-i vote 131 aser Ahsan-i vote 81 ngutet, vote trok reject asü, ta DawnNews ajanga ashi, saka iba osang ya sorkari sangdongba masü.
Balochistan nung ozüng yanglurtem tang tasen elect süa alir 60-i vote agütsüba nung Alvi vote 45 angu, ta osang ajanga ashi. PPP timba aliba Sindh Assembly nungi Ahsan-i vote 100 angu aser Alvi-i vote 56 angu. Rehman-i iba assembly nungi vote ka dang angu, ta osang nung shia lir.
Khyber Pakhtunkhwa Assembly nung vote 109 nungi Alvi-i vote 78 angu, Rehman-i vote 26 aser Ahsan-i vote pongu angu.
Pakistan nung Tir ya federation indang temaitsü ka amai züngshir aser linük nung tekolakba lir, aser ato kilonser den angatettepa tashi ajunga amshiteter. Tir Mamnoon Hussain indang kümsük ya Rongjui/September 08 nung atemtsü.
Arishi küm 69 tain Alvi ya dentist ka lir aser PTI tenzükertem rongnung dena lir. Pa ya PTI secretary general ka ama 2006 nungi 2013 tashi inyaka aru.
Chiteni/July 25 election mapang pai National Assembly election ya NA-247 (Karachi) nungi akok aser pa ya 2013 general election nunga National Assembly nung elect süa liasü.