Afghanistan telungpur tentetsang, Jalaluddin Haqqani süogo

Rongjui/September 04, 2018 (Agencies): Haqqani militant network tenzüksang Jalaluddin Haqqani ya küm aika shiranga aruba sülen süogo, ta Afghan Taliban temi sangdongogo.
Haqqani ya Afghanistan nung ajaki metetba tulungpur ka liasü aser pa ya Taliban aser al-Qaeda dena tesendaktep tajung liasü.
Par jabaso-i iba telungpur telok ya 2001 nungi ketdangsüa arur südi, ta osang ajanga ashir.
Tesüiba küm ishika tsüngta Afghan aser NATO sepaitem dak aiben amakba nung Haqqani telungpur ya densema liasü.
Taliban teloki sangdongba nung Haqqani asüba tesem aser anogo tejangja agüja mali.
“Pa lanuwa mapang Allah yimsü asoshi meranga inyaka timtem jenti aremba ama shirangba mapang pai timtem jenti arema aruogo,” ta Afghan Taliban ajanga sangdongba nung shia lir.
Haqqani asüba olulu ya küm aika prokshia aru.
2015 küma pa ya küm ka tejakdang süogo, ta BBC dang shia liasü, saka iba osangji tejangja mesangdong.
Jalaluddin Haqqani ya Afghan guerrilla lennir ka liasü aser 1980s nung Soviet (Russia)-i Afghanistan amokbanger aliba mapang Soviet sepaitem den raraa liasü.