Fatima aser Sanya na “Kitkat” brand ambassador kümogo

New Delhi, Rongjui/September 4 (Agencies): Fatima Sana Shaikh aser Sanya Malhotra nati nüngtugu film ‘Dangal’ nung shilem agiba nguogo aser tang tena nüngtugu chocolate brand ‘Kitkat’ brand ambassadors asütsü asoshi tenangzüktepba yangluogo. “India nung tang mezüngbuba lanur actress ana ya nüngtugu chocolate brand indang celebrity brand ambassadors kümogo. ‘Dangal’ nung shilem agila ana ya tena indang mezüngbuba film nung kanga tangatettep nung shilem agiba nguogo.
Tenapronglai pei Instagram account nung video ishika lemsatepa liasü, kong tena Europe nung lenti teyong nung temulung ajak agi jangratema tsüngsangba nguogo.
Tenati lenti nung tangar shinga mali ama tsüngsang. Iba video ya social media balala nung ayimsüngaogo aser kanga nüngtugu kümdar.
Fatima aser Sanya nati tawa China semdangogo aser idak nungjiagi tenati postcard nung amshitsü langa noksa aika lemsaogo. Tena kümlemi 4buba Annual International Jackie Chan Action Movie Week nung aden.
Mapa tsütsü Fatima yakta Aamir, Amitabh Bachchan aser Katrina Kaif nunger den ‘Thugs of Hindostan’ nung shilem agiba angutsü aser Sanya Mahotra, Vishal Bhardwaj-i direct asüba film ‘Pataakha’ nung shilem agiba angutsü. Maneni Ayushmann Khurrana den ‘Badhaai Ho’ film nung Sanya-i shilem agitsü.