IMCT züngsemtemi Niuland sub division semdang

Dimapur, Rongjui (September) 4 (TYO): September 4, 2018 nü züngsem 5 agi akümba Inter Ministerial Central Team ka Dimapur tonga aruogo.
Iba teshimtet telok nung Joint Secretary (FFR) MHA, K.B. Singh (team leader), Director incharge Deptt o Agriculture abd cooperation, Kolkota, Dr.K.Manohoran, Consultant FCD, Department of Expenditure New Delhi, R.B.Kaul, Anirban Acharya from the Ministry of Road and Transport and Highway Guwahati aser Ms. Chahat Singh from the deparment of Rural Development, New Delhi nungertem lir.
Tanü parnoki Niuland sub division semdang aser taküm July tatemlen aser August tetenzüklen anentsüh aser tzümetsüng agi takoksa anguba osang metetpela.
Parnokisa Yeveto Village semdang aser idakji ayong nung tzü melenshia ayimba ajanga tsünüsenbongtsü raksatsüba indang osang tongtepratep. Niuland-i aodang parnok Niuland aser Dimapur sendaktepba Balijan apu nung anener reprangdang.
Tanü nikongtsütsü Niathu resort nung Deputy Commissioner Dimapur, Sushil Kumar Patel (IAS)-i IMCT züngsemtem den sensaksemdang, Dimapur district kübok takoksa anguba osang metetdaktsü.
Paisa noksatem ajanga kiojen raksaba, tzümetsüngba, anentsüh aliba, ali anenoka aiba, rescue maparen inyakba, relief agütsüba, relief shelter/camps amala indang osang metetdaktsü.
Asüng, IMCT teloki Wokha district kübok Ralan aser Bhandari tesemtem semdangtsü aser iba sülen Wokha-i aotsü.
Wokha nung senden ka amenba sülen parnok Kohima-i aotsü aser idakji anentsüh aluba tesemtem sema senzütsü.