Nigeria national team coach nem tenokdangba agütsü

Rongjui/September 5, 2018 (Agencies): Nigeria soccer federation-i national team senior coach nem küm ka atema tenokdangba agütsüogo. Pai agent ama aruba undercover reporter ka ket nungi USD 1,000 meshia agiba atema mapa nungi anentsü, shibai national team squad nung asayar kar aniokdaktsünüa liasü.
Salisu Yusuf shiba technical director Gernot Rohr kübok Nigeria chief coach lir pa dang senchi USD 5,000 agütsütsü asoshi tetuyuba agütsüogo.
Yusuf ya Rohr kübok Russia nung World Cup mapang assistant rongnung senior liasü aser taküm küm tetenzüklen African Nations Championship mapang pa lenisüba kübok Nigeria team asaya.
Iba asayamung metenzük tsüngda Aenjeti/Jan aser Tsüklai/Feb tsüngda asayar ana; defender Osas Okoro aser midfielder Rabiu Ali shimtsü atema pa nem sen ya agütsü.
Tena ya shimogo saka federation-i ashiba agi sen agütsüba ajanga Yusuf telemtetba memelenshi kechiyong tena squad nung züngoksemtsü liasü.
Ajisüaka Yusuf-i sen agitsü asoshi mulungtet koba inyakyim anema lir, ta federation-i Rasemnü ashi.