Angh-i Abu Metha nem tenüngsang agutsü

Kohima, Rongjui/September 05 (TYO): International Visitor Leadership Program (IVLP) kübok “Regional Project for Asia Pacific, South & Central Asia” onük nung special exchange program nung shilem agia adentsü atema United States sorkari Abu Mehta shimba atema Nagaland Angh, PB Acharya-i pa nem tenüngsang agutsüogo, ta PRO to Governor sangdong ka nung metetdaktsü.
Angh-i, “Nai iba sentong nung shilem agiba ajanga lenla ajak nung linük renloktsü atema asalentong yangluba nung asen linük ajangzüktsü ta ni imlar,” ta shaio Angh-i
Abu Metha dang iba sentong nung takok ngua adentsü moatsür, ta ashi.