32buba LKM inti mungdang & saisapong January 8-11 anogotem nung alitsü

Mokokchung, Rongjui/September 06 (TYO): 32 Buba LKM inti Mungdang aser Saisapong sentong anogo lemtetogo, ta Langpangkong Kakeshir Mungdang (LKM) tongti tezülur, Imtisungkum Lemtur-i sangdong ka ajanga metetdaktsü.
2019 küm Akhoya nung 32buba LKM inti Mungdang aser Saisapong sentong asoshi Rongjui/September 01, 2018 nü LKM Conference Hall, Chuchuyimlang nung LKM Planning Committee Senden ka mena liasü, aser senden nung lemtetba ama taruba 32 buba LKM inti mungdang aser saisapong sentong 8th-11th January, 2019 anogotem nung amungtsu atema lemteta ayu.
Anungji iba sentong longjema takok ngua mungtettsu asoshi tzukongsanger lokti tentet balala aser kaketshirtemi iba mungdang aser saisapong sentong dak kongshia tanga sentongtem kecha merenemtsü asoshi iba sangdong ajanga mepishia metetdaktsur, ta kasa sangdong nungsa shia lir.