Gari tsüktepba lendong nung nisung 13 asü

Kandahar, Rongjui/September 8 (Agencies): Southern Afghanistan nung Küptoknü passenger bus kati lenmang tezülen anena aliba truck ka dak tsüka meküpba sülen bus nung mena alir nisung 13 tashi süogo.
Iba lendong ya Kandahar province kübok Zherai district nung atalok aser iba lendong nung nisung 25 yiruogo, ta police otongdar Abdul Bashir Khaksar-i ashi.
Anepdang 6:00 (0130 GMT), ako shi nung truck ya anena aliba mapang nung bus yagi arur atsük, ta Kandahar governor otongdar Mohammad Aziz Azizi-i ashi.
Bus nung nisung 40 mela liasü aser parnok Helmand province nungi Kandahar-i oya aliba mapang nung iba lendong ya atalok.
Azizi-ibo nisung 15 asüba metetdaktsüogo aser parnok rongnung tetsür aser tanur densema liasü.
Afghanistan nung gari lendong aiben ataloker aser iba ya gari anishirtemi ozüng shidak mebenshiba aser gari lenmang majungba ajanga ataloker.