LG Q Stylus+ smartphone India nung sayaogo

Rongjui/September 08 (Agencies): LG indang Q series smartphone tem atsülanga LG India-i tawa Q Stylus+ ts nüngja agütsüba smartphone tasen ka India nung sen 21,990 agi sayaogo. Iba device ya 4GB RAM aser 64GB onboard storage variant ana nung angutsü.
“Mid-range phone tem rongnung onoki LG Q Stylus smartphone bendenloktsüogo aser ibaji ajanga talirtem aikati saputsü,” ta LG India, Business Head-Mobiles, Advait Vaidya-i ashi.
Metallic body agi meyibanga yanglutsüba phone nung 6.2-inch Full HD+ FullVision display den aspect ratio 18:9 keta aliba angutsü.
Phone nung ‘intelligent palm rejection’ feature keta aliba angutsü. Display off asüba mesüra phone lock sür ayuba mapang iba smartphone yagi teka agi züluba note tem record sütetter aser ajitetter.
Notes aser memos dak alaka, stylus smartphone ajanga video aser noksa tangokba tem animated GIFs-i yanglutsü atema personalize sütetter. Iba smartphone tejaklen 8-megapixel camera aser tesülen 16-megapixel lens den Phase Detection Auto Focus (PDAF) feature inoka yanglutsüogo.
Item feature den bendenloksema, earphone jangoker smartphone nung music angaba mapang 7.1 channel 3D surround sound angutsü atema device nung advanced DTS:X inoka yanglutsü. LG Q Stylus+ smartphone nung Android 8.1.0 Oreo operating system ajanga mapa inyaker aser 3300mAh battery ajanga tashi agütsür.