Royal Enfield Himalayan ABS India nung sayaogo

Rongjui/September 08 (Agencies): Motorcycle yangluba company Royal Enfield-i dual-channel ABS keta aliba Himalayan motorcycle India shishilembadak sayaogo. Tawa company-i Classic Signals 350 motorcycle nung ABS inoka yangluba sayaa liasü. Himalayan ABS standard variant jenjang sen lakh 1.79 (ex-showroom, Mumbai) nungi tenzüka Himalayan Sleet ABS variant atema sen lakh 1.81 lakh (ex-showroom, Mumbai) agi angutsü. Taoba model den medemdangra Himalayan motorcycle tasenba nung temelenshi kar reprangdangra, console nung ABS light aketba aser tejaklen fork nung ABS sticker maloka aliba ji asütsü.
ABS features dak alaka Himalayan model tasenba ya taoba den kasa dang asütsü. Motorcycle nung 411cc air-cooled engine amenoka yanglutsü aser iba engine ajanga 24.5 bhp aser 32 Nm torque agütsür. Motorcycle engine tashi melentepa amshitsü atema 5-speed transmission inoka yanglutsü. Fuel injection den külemi motorcycle nung air aser oil cooling system keta aliba angutsü. Dual-purpose motorcycle Himalayan nungsa ‘counter-balancer’ inoksema yanglutsü koba ajanga vibration agientsür.
Motorcycle tejaklen 41mm suspension aser tesülen link-type monoshock suspension keta lir. Iba den külemi motorcycle tejaklen 21-inch aser tesülen 17-inch spoke wheels den 90-section aser 120-section dual purpose tyre inoka yanglutsüogo. Iba den bendenloksema, front suspension ‘travel’ ji 200mm aser rear monoshock suspension ‘travel’ 180mm asütsü. Lenmang tapu balala ajak nung senzütettsü atema Himalayan ground clearance 220 mm tashi ajungketa yanglutsü.