Rongjui/September 08 (Agencies): New York Times sangdong ka ajanga angazükba agi, China nunger indang e-commerce tetsüti Alibaba tentetsang aser executive chairman, Jack Ma mapa nungi anentsü.
Kasa sangdong ajanga angazükba agi, ‘philanthrophy of education’ agitsü atema Rongjui/September 3, 2018 nü Ma-i pa teinyakdak aliba mapa toktsür ‘executive chairman’ menden tashi alutsü mulungtet. Ajisüaka, Alibaba indang board of directors nung Ma züngsem ka ama alitsü.
1999 küm China kübok Hangzhou yimti nung Ma-i par kidang Alibaba maparen tenzük aser tang alima nung takatiba nisungtem rongnung Ma densema lir.
2014 küm New York Stock Exchange nung Alibaba company alima ajungai metetta aküm aser company indang ‘market value’ USD billion 421 tashi lir.
Alibaba tentetsang Jack Ma mapa nungi anisüngzüktsü added by asungba on
View all posts by asungba →
You must be logged in to post a comment Login