Intl’ Literacy Day nung Peren NCC Cadets-i awareness agutsü

Dimapur, Rongjui/September 08 (TYO): Tanü alima tesem ajaklen International Day of Literacy Day amongba anogo nung 24 Nagaland (I) Coy NCC kübok Peren Govt College, nungi NCC Cadet temi Peren district nung nüburtem nem iba indang awareness agutsüogo, ta ketdangsertem osang ka ajanga metetdaktsü.
Tanü ama Digital putu ka nung azüngzülu metetba ajanga nüburtem libaliro jenjang tajungba akumtsü aser loktiliba ajungkettsütsü ta parnoki sangdong.
Cadet temi Peletkie, Kepeuzang yimtsüngtem aser Peren Town semdanga azüng-zülu meteta alitsü aser ibaji ajanga loktiliba ajungkettsütsü aser terenlok akatsü ayongzüka liasü.
Tesülen Associate NCC Officer, Govt College Peren, Lt CH Kanga Andrew-i Peletkie yimdaklirtem den o jembia liasü.
Cadet temi Peren Town aser temeket yimtsüngtem nung kaket nung ozülu balala bener yimdong süa jajaa liasü.