Ankur Mittal-i Double Trap event nung gold medal angu

Changwon, Rongjui/September 8 (Agencies): ISSF World Championship Küptoknü asaya nung Ankur Mittal-i tebur double trap event nung gold medal koktetogo.
World Cup nung medal aiben koker alisang Ankur-i point 150 nungi 140 nguteta China nunger Yiyang Yang aser Slovakia nunger Hubert Andrzej den gold atema asayaa liasü. Arishiküm 26 tain Mittal-i China nunger asayar 4-3 agi koka gold medal angu aser Slovakian nunger asayari bronze medal koktet.
Ankur-isa Md. Asab aser Shardul Vihaan nunger den team event nung bronze medal angu. Parnok senteper point 409 anguba sülen China (410) aser Italy (411) sülen tasembuba jenjang nung tembang.
Tanü asaya tanga ka nung India nunger asayar anati pei tata asaya nung terara agi final metongtet.
Anjum Moudgil shibai 2020 Olympic quota den 10m air rifle event nung silver medal nguteta lir, lai tetsür 50m rifle event nung point 1170 nguteta jenjang 9buba nung tembang aser qualify mesütet, kechiyong asayar 8 dang final-i iteter.
Kasa mapang nung jenjang tibuba nung Anjum, Switzerland tsür Nina Christen den külemi tembang saka Nina indang 66 inner 10 shots Anjum dang nungi timba liasü aser iba ajanga la qualify asü.
Trap temeyoktep team junior event nung Manisha Keer aser Manavaditya Singh Rathore nati point 139 ngua final-i ai, saka final nung point 24 dang ngutetba ajanga jenjang pezübuba nung tembang. Italy nunger tarep Erica Sessa aser Lorenzo Ferrari nati gold medal den junior world record ka yanglua liasü.
Anogo 7buba tashi toktepba sülen India nungeri tang tashi nung medal 20 kokteta lir. Parnoki Gold 7, silver 7 aser bronze 6 ngua lir. Parnok Korea zülen tanabuba jenjang nung lir.