All Ward Union Changtongya town ajanga sangdonger

Dimapur, Rongjui/Sept. 09 (TYO): CHC Changtongya nung doctor maliba asoshi sorkar nem takhangba agüja Mongputeni/October 2, 2018 nungi tenzüka mokdangtsü, ta sangdonga aliba All Ward Union Changtongya Town-i anenja atar, ta All Ward Union Changtongya Town chairman, T. Meyi Longkumer aser secretary Merenyanger nati sangdong ka nung metetdaktsü.
CHC Changtongya nung doctor maliba atema sorkari tekeratiba nung lenmang balala nungi anepaluja iba maparen tembangtsütsü ta nangzükba asoshi All Ward Union Changtongya Town asoshi pelashishia agizüker, ta kasa sangdong nungsa shisema alir.