Fazl Ali College Foundation Day mungogo

Dimapur, Rongjui/Sept. 09 (TYO): Rongjui/September 8, 2018 nü Fazl Ali College Mokokchung indang 59buba Foundation Day mungogo. Iba anogomung nung Special Guest ya Dr. I. Anungla Aier, Additional Director, Higher Education liasü.
Iba sentong nung kaketshirtem aser tesayurtem den ajungshi o jembiba mapang College indang motto ‘Academia Nulli Secondus’ (Second to None Academically) ama alitsü ajungshi aser lai tang tesüsa züluba, “Studies on Naga Oral Traditions” kaket agütsü.
Iba Foundation Day ya September Melange 1, 2018, anogo asem Creative Arts Festival sentong tembangba ama munga liasü, kong o intepba, ken toktepba, performance poetry aser tsüngsang toktepba, otsü tatsü zülutepba, painting, creative recycling (Upcycle), exhibits of works of art aser saya balala sayaba nung toktepa liasü.
Kasa sentong nungsa academic toppers nem item sempet balala ya agüja liasü.
Chubainla Academic Award ya 2018 küm CGPA timba, 6.2 nung graduate asür, I. Alila Mongro (B.A.) nem agütsü.
Dr Longrizung Award for Academic Excellence ya Akumsenla (B.A.) aser Senainla (B.Sc) na nem agütsü.
EU Students of the Year Award ya Kuholi Chishi, Director, Higher Education ajanga tenzüktsü aser iba sempet ya Senainla (B.Sc) nem agütsü.
Botany nung marks timtiba angur nem Linnaeus Award ya Senainla (B.Sc) nem agütsü.
University Subject Topper in Mathematics sempet ya CGPA 6.01 ngutetla, Sentirenla (B.Sc) nem agütsü aser University Subject Topper in Geography sempet ya SGPA 5.53 nguteter Sakurepla Longkumer aser Tanghiu na nem agütsü.