Tanü Dimapur nung kenten sentong ka agitsü

Dimapur, Rongjui/September 14 (TYO): Nagaland nung alima tzümopung lendong balala agi kongshirtem nem teyari agutsütsü atema Rongjui/September 15, 2018 nikongdang 5:00 ako nungi IMC Hall, Dimapur nung kenten sentong ka ayongzükogo.
Iba kenten sentong ya Native Trax Society den Get Gorgeous Society aser Note Grid-i senteper ayongzüker.
Iba ya angati concert ka asütsü, aser temelungertemi tenla agutsütsü akok. Tenla agutsütsü melungertemi online ajanga Native Trax Society indang bank account, A/C No. 0451010123204, IFSC Code : UTBI0DIM375 ajanga tenla agutsütsü akok.
Tesüiba hopta ka tsüngda iba sentong osang sangdongtsü atema kentener aikati Big Bazaar, Dimapur nung kentena liasü.
Iba sentong nung UDX, Renbeni Odyuo, Thunglamo Ngullie, Kimatsung Jamir, Imli Lee, Trance Effect, Sunep Lemtur, Frozen Heart, Imnasenla Aier, Diethozo Thakro & Tsunglamo Murry, Yellow Beacon, Ukulele Dimapur, Note Grid Rock Guitar & String Sections aser Echoes Hill Band temi kentena shilem agitsü.
Item kentener nija aser telok ajaki angati pei sempet amshia shilem agitsü melungogo.
IMC Hall nung ayongba sentong nung Sound and Lights partner ji System Tech, Taurus Sound aser Live Sound asütsü aser iba sentong ya Avon Nagaland-ia nungiter.