Neil Nitin Mukesh o Adah Sharma nati ‘Bypass Road’ nung shilem agitsü

Rongjui/September 14 (Agencies): Actor Neil Nitin Mukesh-i taruba film ‘Bypass Road’ nung shilem agitsü ternrmba lir. Iba film ya Neil teno tanübosang, Naman Niten Mukesh lenisüba kübok yanglutsü aser project ya Naman indang mezüngbuba project asütsü.
Iba film nungsa Adah Sharma, Gul Panag aser Rajit Kapur nunger nem shilem agidaktsütsü atema aniokogo.
“Ganesh Chaturthi benjungmung anogo nung tarutsü maparen aser sentong tem nung takok tulu angutsü asoshi temoatsü ngudakjangma ta kü sarasadem lir. Nnm (Neil Nitin Mukesh) Films aser Miraj group Production na longjema iba project yanglutsü. Taruba film ‘Bypass Road’ nung Neil Nitin Mukesh, Adah Sharma, Gul Panag aser Rajit kapur nungeri tongti shilem agitsü,” ta Yangtepnü/Thursday Ganesh Chaturthi benjungmong akaba mapang Naman-i Twitter ajanga lemsattep.
Iba film ya thriller drama ka asütsü. Ita asem tsüngda tashi nung film ya Alibaug aser Lonavala tesem nung tangoktsü ternemba lir.