Aheli Moitra-i Laadli Award angu

Dimapur, Rongjui (September) 14 (TYO): Morung Express nung Special Reporter Aheli Moitra-i Population First- Laadli Media and Advertising Awards 2017 (Regional Awards) nung Best Feature-Print Category nung sempet ka angu.
Aheli-i “How a Village in Phek District Revived Millets and Became Gender Wise” otsü züluba ajanga iba sempet angu.
Tetendangertemi “For Highlighting the Role of Women in Transforming Agrarian Economies” atema la shim.
September 14, 2018 nü United Services Institute of India, New Delhi nung 9 buba Laadli Award sentong ayonga agi.
Linük kübok tesem balala nung oshi 13 agi gender concerns indang osang züluba atema media professionals 82 shimtetba rongnung Aheli densema liasü.
Sentong nung Development journalist, People’s Archive of Rural India tenzüker aser Magsaysay Award angur P Sainath den tanga lennirtemi sempettem lema agütsü.