Jakhama nung kaketshir 3 yiru

Kohima, Rongjui (September) 14 (TYO): Tanü Jakhama yimtsüng nung nisung asem gari lendong ka nung yiru.
Tanep 9:00 ako meta St Joseph’s College, Jakhama kaketshirtem anir senzüba city bus ka nung timtem adoka lendongji atalok ta police-i metetdaktsü.
Iba lendong nung tetsür kaketshir ka tekolak kanga mejungi yirur Bethel hospital-i anir ao aser tebur kaketshir ana terara yiru ta osang ka ajanga ashi.
Bus gari indang steering rod ka raksadang lendongji atalok aser idangji bus jagisa lenmang nung anena aliba gari ana dak atsük ta osang ajanga metetdaktsü.