Loki aser Scarlet Witch Spin-off Series yanglutsü

Rongjui/September 18, 2018 (Agencies): Loki aser the Scarlet Witch, den külemi tanga Marvel superheroes tem shirnok parnok kija indang movie adoka mali parnok series ka nung adoktsü koba Disney streaming service nung sayutsü.
Disney puri streaming service amendaktsü asoshi renemba mapang ka nung company-i superheroes tem asadang tenzükogo. Marvel Cinematic Universe (MCU) nung character balala indang series adoktsü asoshi Disney puri tang sentong yangludar.
Kasa mapang nung Avengers film nung item hero tem shilem agir Tom Hiddleston aser Elizabeth Olsen nunger amalai iba series nunga shilem agitsü imlar.
Iba character ana ya tatemsa Avengers: Infinity War nung shilem agiba nguogo, kong superheroes 22 supervillain, Thanos den raratsü asoshi adenshir. Iba film ya India nung Rongchii/April 27 nü saya aser box office nung sen crore 120.9 aazük.
Iba project dak sendakba nung sen indoktsüba indang producer temi dang tashi nung osang kecha agüja mali saka iba series ya sen aika indoka yanglutsü imlar. Series shia nung episode ti alitsü imlar.