Kin shia pei oshi nung tim

~ Süpongnungsang Longkümer, Darogapathar, Dimapur.

Kin shia oshi bentetbenteta ayutsüji kanga tang tim, saka tanü asen kin o tangang yanglur ama zülutepba ngua tetsü tepu tang asüngdangya makaba, aser sensu mongdang,aser lokdi palala nung matenba ken o mepushiba tang shisanger. Kechaser ojang shia tetezü kar sür nung tetezü dak mapet zülu amshiba agi ashishiteper aser ashiashitepaka yimdangi maru temeden pushir ama angateter.Tsürapor mapang kenshi oshir,tashi temeteter, zünga metetertemi bei o shidak jempia lokdi lipa ajak nung pi o meinoke jempia aru , saka itangjia Laishiba nung Nü melena ne amshia arupa tang tashi memelenshitete amshia arudake, saka tanüpo lokdilipa ajak nung pi oji 80% jempiba ten ken ajak pi ken atener nung asen oshi shidak koda jempia zülutsü.
1- Tateshitsü agi Pushia oa asüngtangpa agi pushisüngtang ta pilema jempir südi.Iba nungipo tetezü tarok mali intang intanger, saka tsüraportemi pushitsüngtang ta amshir tetezü langka alipa agi pushir saka mangur nisung mesüra tesüm memetetba agi asütsü akok, saka mapa karbo pushia angashiba agi meyimpanga ayur, anungji lenmang aisü nungi tentanger poa arur aser züka, merenshia, tsüngtanga, ajendanger, temshidanger ,külenang nangzükpa mapa aika ajurur anungji iba dangji pushitsüngtang ta ajar.
2- Aor Tzükong telemsa dang kechiba tzükong ta amshir ta asünung Tzü agi yimsatsüba ayong mesüra tesüd lentet lenteta lemsatsüba agi tzükong ta ajar.Iyongjiang tzüyim nung ali mokche tulu, tekong ama aliba dangji asetkong ta ajar ibala mesüka koba tzükong dang Asetkong ta ajar paji yamaji lentet lenteta aliba agi ajar.
3- Tzüma lima ya tzü tema nung aliba agi tzümar ta ajar masü ,Tzü sama aoba lima lenten asüba agi tzüma lima ta ajar iyongjiang tenem len tzünglu kanga sashia arura tzümetsüng agi atsüngpanga timtmteper saka aji rusepa akonger anungji tzü süma, sama, ta ajar.
4- Tajungpo ajaki Tushir, anungji Tushiba, Tushila ta ajar saka Toshiba ta amashira süng agi toshi asü merang agi toshi, ta asüngtangnütsüka
5- Lung tetezü temulung, mulunger, telung, nung, ibai tajung tsütsülen amshi tajungba südisü, saka Long ya tetezü kanga tulu,ali tema nunga sang telung nunga sang paji telong ka asünung Long ta ajar aser ali telung nung liaka pa sasa jepsa maor, anungji lung ta mesüe O ji amshi tapetba südi sü ta yariteper.
6- Tangar dang Pi ta ajar, asen tanga pei ta ajar tena ya olasü palala asütsüla anungji pi o pei na bendangtsü atema (Bei ) ta amshi ajung majung .
7- O” Tena o tena tsüngta o majung aji bendangtsü atema (Ou ) ta amshi ajung majung 7-Tsürapor mapang aikati ita lem anogo lem ta jempia aru,saka zoni taa amshiang aji asen saseb atema tajung, saka alima ajak atema tang kechi amshir aji tajung masü no? 8- Süngdong, sentong, sangdong, ta tongmelang ka shitanger.