Vanguard FC aser Nerhema FC na tanü final asayatsü

Kohima, Rongjui/September 18 (TYO): Defending champion Vanguard Football Club Tseminyu aser Nerhema Village FC na 4buba Capt. N. Kenguruse Memorial Football Tournament (State Level) final tanü asayatsü. Iba asayamung ya 9th Assam Rifles puri ayongzüka Kohima nung asayaa arudar.
Tanü final asaya ya nikongtsütsü 1:00 nungi tenzüka Kohima Local Ground nung asayatsü aser asayamung shibangba sentong nung GOC-in-C Eastern Command, Lt. Gen. Abhay Krishna tetushi tesemdanger asütsü.
Kasa mapang nung asayamung ayongertemi final asaya reprangtsü asoshi taa kecha magitsü ta sangdongogo.