Belgium aser France na FIFA Ranking temaba jenjang nung lir

Rongjui/September 20, 2018 (Agencies): Yangtepnü sayaba FIFA rankings nung Belgium aser world champions France na temaba jenjang nung külemi lir, koba küm 25 tsüngda tang mezüngbuba ataloker.
Roberto Martinez-i aniba Belgium team-i iba ita tetenzüklen UEFA Nations League asaya nung Iceland akokba dena asaya ana akokba sülen point 1729 nguteta France den kasa jenjang nung lir.
Kasa mapang nung Nations League mezüngbuba asaya nung France team Munich nung Germany den draw asü aser iba sülen Netherlands 2-1 agi akok.
Temaba jenjang 10 nung temelenshi ajak agi Spain sülen Denmark jenjang 10bubai atsüngzüka luogo.
World Cup nung group-stage nung tsükadokba sülen Germany-i point asem nguteta jenjang 12buba tongtetogo.
Team ajak rongnung Kenya-i point timba (22) nguteta parnok jenjang 107-i atuogo. Item point tem ya 2019 African Nations Cup qualifier nung Ghana 1-0 agi akokba amala asaya ajanga angu.
Top 10 rankings: (taoba positions bracket nung tokja lir)
1. France 1. Belgium (2)
3. Brazil 4. Croatia
5. Uruguay 6. England
7. Portugal 8. Switzerland
9. Spain 10. Denmark (9)