CM Relief Fund atema tenlaba asoshi pelar: CM

Kohima, Rongjui/September 20 (TYO): Tanü Nagaland Chief Minister, Neiphiu Rio-i Chief Minister’s Relief Fund atema tenla agutsür ajak dang pelaba lemsatepogo.
Tanep 13buba Nagaland tatar senden nung jembidang Chief Minister-i tawa alima tzümopung lendong ajanga atakoksa angurtem nem teyari agutstsü asoshi CM Relief Fund nem tenla tajung agutsüba asoshi Nagaland Legislative Assembly züngsemtem, Nagaland nung aliba nüburtem aser linük nüburtem dang pelaba metetdaktsü.
Talisa pai Bollywood actor, Sushant Singh Rajput-i Dimapur tashi arua CM Relief Fund atema sen crosre 1.25 agutsüba atema pelaba metetdaktsü.
Paisa M/s AirPay-i CM Relief Fund atema tenla agutsütsü asoshi online portal tenzüka Netbanking, Credit Card, Debit Card, Amazon Pay, OLA Money, Jio Money aser Mobikwik densema channel balala ajanga online transactions asoshi taa kecha magiba atema pelaba metetdaktsü. Iba channel ajanga nisung 4,857-i ajak agi sen lakh 48.17 tenla agutsü.
Paisa PayTM-i CM Relief fund atema parnok sabang lapoktsüba atema pelaba metetdaktsü; iba sabang ajanga nisung 34,803-i sen lakh 53.41 tenla agutsü.
Paisa PayTM-ia kasa sen (lakh 53.41) tenla agütsüba atema pelaba metetdaktsü; iba dak alia banl k account ajanga CM Relief Fund dangi sen lakh 108.11 tenla aru.
People’s Democratic Alliance (PDA) MLA temia ita ka itasen tenla agutsüba, party nung inyakertem aser teloktep party balala nungi lenirtemi tenla tajung agutsüba atema pelaba pai metetdaktsü.
Maneni sorkar mapa inyakertem, lokti tentet balala aser corporate entities temi ajak agi sen lakh 79.52 tenla agutsüba atema pelaba CM-isa metetdaktsü.
CM-i, item senotsü junga amshiotsü atema Additional Chief Secretary & Finance Commissioner leniba nung committee ka tentettsü telemtetba agiogo, aser kiojen raksaba den kilentzü aodak aser lenmangtem yanglushitsü asoshi Rongjui/September 29 nungi Mongputeni/October 2, 2018 tashi districts aser ADC Headquarters ajak nung lokti nübodok mapa inyaktsüa lemtetogo, ta metetdaktsü.