Home Dept nung LDA 33 aser constable 179 shimogo: Minister

Kohima, Rongjui/September 20 (TYO): Tanep Nagaland tatartem senden nung MLA, Kuzholuzo Nienu-i Home Department nung Metsüremi/March 1, 2018 nungi tenzüka tanü tashi nung LDAs, Constables, Halvidars, ABSIs aser Sis kwi shim, aser item inyakyim nung Backward Quota atema shilem 37 wazüka yutsüba ama inyaker asü meinyak, ta asüngdangba langzüdang Deputy Chief Minister (Home)-i, iba mapang nung LDA 33 aser constable 179 shim, aser LDA shimba maparen nung shilem 37 wazüka toktzüba atema inyakogo aser Backward quota nung ajemdaker nisung 12 LDA-cum-Computer Operation shimogo, ta metetdaktsü.
Kasa onük nung regularization shilem aser casual & work charge employees aser grade IV staff tang tashi nung kwi shima lir, ta asüngdanba langzüdang Minister incharge-i, shilem 67% regularized sütsüogo aser sorkar tentetba sülken tang tashi nungbo grade IV appointment agia mali, ta metetdaktsü.