Mumbai nungbo kobi melii petrol litre ka nung sen 90 ajungtsü

New Delhi, Rongjui/September 22 (Agencies): Tanüa India kübok tongtibang yimtitem aika nung petrol aser diesel jenjang maneni tua linük yimtiba, Delhi nung petrol litre nung sen 82.44 aser diesel litre nung sen 73.87 kümogo.
Ano Mumbai nungbo petrol litre nung sen 89.80 aser diesel litre nung sen 78.42 jungogo; item osangji Indian Oil Corp indang website nung tejangja angutsü.
Kolkata nunga petrol litre nung sen 84.27 aser diesel litre nung sen 75.72; Chennai nung petrol litre nung sen 85.69 aser diesel litre nung sen 78.10 kümogo.
Yashi Mumbai nung petrol litre nung sen 89.69 agi ayok, aser totzü jenjang yamisa tura kobi melii Mumbai nungbo petrol litre nung sen 90 dak temai ayoktsü.
Taoba ita mezüng anogo nungi tenzüka totzü abenba (transportation) jenjang maneni tudar, aser ibaji totzü tazü jenjang atuba aser India nunger sen ‘rupee’ jenjang ano tamajungba akumba kulitem ajanga lir.
Sector mongintemi ashiba agi, linük nung totzü jenjang tali atubaji saru kanga tali agiba ajanga lir.