Kohima Smart City project atema sen crore 113 lemzüktsü

Kohima, Rongjui (September) 22, (Agencies): Kohima Smart City project atema sen ajak agi crore 113 tashi lemzüktsüogo ta Hokolbarnü Urban Development & Municipal Affairs Minister, Metsubo Jamir-i ashi.
Crore 113 nung jagi Smart City proposal renemtsü atema sen crore 2 jelia agütsü aser Kohima Smart City ka ama yanglutsü atema mezüngbuba küm nung part payment ama sen 107 lemzüktsü, ta paisa ashi.
13 buba Nagaland Legislative Assembly indang session tanabuba tembangba anogo nung MLA Keneizhakho Nakhro-i iba dak sendakba tasüngdangba ka asüngdangdang Metsubo-i iba osang metetdakja liasü.
Maneni, mezüng küm atema administrative aser office atema sen crore 2 aser Kohima Smart City Mission atema A&OE nung state sorkaria sen crore 2 agütsütsü lemzüka lir, ta paisa ashi.
Mezüngbuba installment ji April 2017 nung Centre-i agütsü aser sen crore 107 ji project funds atema part payment ka ama lemzüktsü. Union Ministry of Housing and Urban Affairs-i 2017 nung senji agütsü, ta Urban Development & Municipal Affairs Minister-isa metetdaktsü.
Iba Mission kübok mapatong kar atema detailed project reports (DPRs) tang technical approval atema inyakdar, ta paisa shisem.