Rotary Club-i nisung 30 nem teyari agütsü

Dimapur, Rongjui (September) 23 (TYO): Dimapur nung Rotary Club-i artificial limb & caliber camps angati agütsüba sentong ka ayongzüka agi.
Iba sentong ya Rotary Club Dimapur-i District Disability & Rehabilitation Centre (DDRC) aser Bharat Vikas Parishad, Guwahati den yaritepa ayongzük aser nisung 30 nem wheel chairs, crutches & artificial limbs agütsü.
Sentong nung MS, District Hospital Dimapur, Dr. Z Kheshito Zhimo-i o jembidang, yimtsüng tia nung alir aika iba teyari nüngdaker, anungji wheel chairs, artificial limbs angati alemba osang ya prokshitsüla, ta ashi.
Medical department-i yaritsü mulunga lir anungji nübortemi DDRC den tongteprateptsüla, ta Chief Medical Officer, District Hospital Dimapur, Dr. Vikato Kinimi-ia ashi.
DDRC ya District Hospital Dimapur nung lir aser tetsüng-teben lemtartem yaritsü atema lir, ta Dr. Imli-ia ashi.
DDRC-i NGOs aser tanga teloktem den yaritepa mapang shia artificial limbs aser crutches lema agütsür. Rotary Club aser tanga donor temi wheel chairs, artificial limbs & crutches angati agütsüba atema kanga pelar, ta Dr Imli-isa metetdaktsü.