BSE & ANPSA (Dimapur unit)-i CMRF atema tenlar

Dimapur, Rongjui (September) 23 (TYO): Bombay Stock Exchange-i parnok CSR Integrated Foundation kübok Nagaland Chief Minister’s Relief Fund nem sen lakh 5 tenla agütsü.
Tanü BSE Executive Surajit Banerjee-i Chief Minister Neiphiu Rio nem cheque agütsü.
Maneni, All Nagaland Private School Association (Dimapur Unit) tir Ahoto Andrew-i anir teshimtet telok kati Chief Minister nem cheque ana agütsü.
ANPSA Dimapur Unit-i sen lakh 1,50,000 indang cheque ana agütsübaji ka Nagaland Chief Minister’s Relief Fund asoshi aser ka Kerala Chief Minister’s Relief Fund atema lir ta ashi.
Iba senden nung ANPSA teshimtet teloki yashi New Delhi nung akümli toktsür aoba asür Imtikumzuk’er kibong atema sarasademtsüba mapang ka agi.
Chief Minister Rio-i Nagaland sorkar tenüng nung mulungsoa tenla agütsür ajak dang pelaba ashi aser tenla aruba senji tashishitsü melii amshitsü ta nangzük.