Imphal nung IED ka apokdang nisung 7 yiru

Imphal, Rongjui (September) 24 (Agencies): Hombar anepdang Imphal nung improvised explosive device (IED) ka apokdang nisung 7 shi yiru. Parnok teimba ka aayangertem lir ta police-i metetdaktsü.
Tanep 5.45 ako meta Majorkhul kiyong nung automobile parts store ka jakdang bomb ji apok, ta police-isa ashi.
Lendong nung yirurtemji anameta aliba health care centre-i anir oa anepalu. Parnokji Bihar aser Uttar Pradesh nungi arurtem lir.
Kechiba iba bomb pokdaktsü’ar osang kecha mali saka iba tesem nung telungpur telok kati parnoki pokdaktsü ta tenüng agiba metetdaktsüogo.
Lendong nung yirurtem anepaluba doctor-i ashiba agi, parnok nem medical aid agütsüogo aser kanga mejungi yirubabo mali. Parnok rongnung nisung kabo mozü ki nungi anizükogo.