Congress-i CVC nem Rafale ken o nung temepishiba agutsü

New Delhi, Rongjui/September 24 (Agencies): Tanü New Delhi nung Congress lenirtemi Central Vigilance Commissioner (CVC), KV Chowdary ajurua pa dang Rafale fighter jet ken o nung FIR ka benoktsü takhangba agutsü.
CVC ajurua senden amenba sülen osangbenertem den jembidang Congress lenir, Anand Sharma-i, “Congress nungi teshimtet telok kati Central Vigilance Commission (CVC) ajurua pa nem Rafale jet alizükba ochimashi ken o nung temepishiba shidi ka agutsüogo. Onoki CVC dang iba temepishiba agizüktsü aser files den documents ajak sota yur FIR ka benoktsü takhangba agutsüogo,” ta metetdaktsü.
Congress-isa, Rafale jets alizüktsü atema linük meyong Hindustan Aeronautics Limited (HAL) sendoker sorkari parnok medemer businessman nem iba contract agutsüba ajanga nübur meyong senpong nung takoksa angur aser national security lendongi yoker, ta ashi.
Sharma den Congress lenirtemji- Ghulam Nabi Azad, Ahmed Patel, Anand Sharma, Kapil Sibal, Randeep Singh Surjewala, Jairam Ramesh, Abhishek Manu Singhvi, Manish Tewari, Vivek Tankha, Parmod Tiwari aser Pranav Jha nunger liasü.
Tawa Congress-i Comptroller & Auditor General (CAG) ajurua kasa onük nung ochimashi aliba osang renema Parliament nung metetdaktsütsü atema takhangba agutsüogo.
France linük dang nungi Rafale tayimtsü alizükba onük nung Ato kilonser, Narendra Modi, Union Finance Minister, Arun Jaitley aser Defence Minister Nirmala Sitharaman nungeri yazü jembir, ta Congress-i aija arudar.