Gadkari-i Jowai-Ratacherra lenmang lapoktsü

Union Minister Nitin Gadkari-i Meghalaya nung Jowai-NH-6 nung Ratacherra Section lapoktsüdang agiba noksa angur.

Shillong, Rongjui (September) 24 (Agencies): Union Minister for Road Transport & Highways Nitin Gadkari-i Hombarnü Jowai nungi Ratacherra (Meghalaya-Assam arrtsü) tashi National Highway-6 two-laning lapoktsü.
November 18, 2015 nungi 102.255 kilometre lenmang yanglutsü tenzükba taküm May 16 nü tembang.
Iba lenmang nung major bridge 3, minor bridge 34, culvert 441, tunnel 1, toll plaza 2 aser bus bays 17 lir.
Iba lenmang renemba ajanga Brahmaputra valley nungi aruba truck garitem Barak Valley nung Silchar-i ayongayonga senzütettsü. Iba lenmang ajanga Manipur, Mizoram, Tripura aser Southern Assam sendakteptsü.
Tanü lenmang lapokba sentong nung Meghalaya Chief Minister Conrad K Sangma, Tripura CM Biplab Kumar Deb, Arunachal Pradesh Chief Minister Pema Khandu, Meghalaya Deputy CM Prestone Tynsong, Arunachal Pradesh’s Deputy CM Chowna Mein, Meghalaya Tourism Minister Metbah Lyngdoh, Meghalaya Social Welfare Minister Kyrmen Shylla aser Jowai MLA, Wailadmiki Shylla nungertem aden.
Gadkari-i anogo ananü atema Meghalaya semdangi arua lir. Iba mapang pai Northeast state tem nung national highways project tem meyipa reprangshitsü.
Centre sorkari NE state tem kechisarena ajaklen renloktsü atema temulung agütsür. Iba nung roads & connectivity kanga tongtipang lir aser iba ajanga industries & agriculture sector renloker, ta Gadkari-i ashi.
Meghalaya Chief Minister Conrad-ia o jembidang, highway lapokbaji Meghalaya state aser North Eastern State tem nüma atangba aser tajangzük anguba mapa ka lir, ta ashi.
Union Minister Gadkari-i Hombarnü pa indang Twitter nung “Shillong nung tanü Meghalaya nung Jowai nungi Ratacherra section tsüngda NH06 two laning lapoktsüogo” ta metetdaktsü.
Sen crore 683 endoka yangluba lenmang ajanga Jowai aser Ratacherra tsüngda ghonda 4 agiba nungi 2.5 shi dang agitsü.
Külen, Conrad Sangma-i pa indang Twitter nung “Jowai nungi Ratacherra tashi lapoktsüba atema Union Road Transport Minister Nitin Gadkari dang kanga pelar. nü lenisüba kübok Meghalaya nung gari lenmang renloktsü imlar” ta metetdaktsü.