France Football-i Women’s Ballon d’Or agütsütsü

Rongjui/September 24, 2018 (Agencies): Taküm mezüngbuba tetsür kati soccer nung award rongnung tematiba angutsü. France Football magazine-i 1956 küm nungi tenzüka küm shia agütsüba Ballon d’Or ya tetsür aser tebur napornglanem Paris nung Luchii/December 3 nü agütsütsü.
Magazine indang editor in chief Pascal Ferre-i, Associated Press women’s soccer ya kümtem tsüngda kanga kara renlokogo aser award tasen ka bendenloka agütsütsü nüngdaker, ta ashi. “Tetsür soccer kanga kara renloka odar aser teburtem den kasa award agütsütsü tetemsü. Tetsür asaya kanga tuluba küma odar. 2015 küm World Cup nungbo TV viewer million 760-i iba asaya reprangogo aser iba ya odang atalokba masü,” ta Ferre-i AP dang ashi.
Iba osang ya France Football-i Sangtennü adoktsü aliba magazine nung officially sangdongtsü. Iba award atema nominee 15 Mongputeni/Oct 8 nü sangdongtsü. Asayartem ya France Football-i shimtsü aser international journalists panel kati vote agüja takoker shimtsü.
“Juri ya tebur asaya shimba jury den kasa masütsü. Mongintemi dang shimtsü. Onoki tetsür soccer ainba linüktem nungi journalists 40 shimtsü,” ta Ferre-isa ashi.
Ballon d’Or aser FIFA World Player of the Year award na 2010 nungi 2015 tashi külemi longjemer agütsü saka telok ana ya küm ana tejakdang pila. FIFA-ia best women’s player award agütsür.
Maneni France Football-i best young player of the year award: Kopa trophy ta ser award tasen ka agütsütsü, koba asür Raymond Kopa tenüng nung jatsü.
Iba award sentong ya linük 120 nung live sayutsü renema lir.