Lt Gen Gopal R, AVSM, SM, GOC 3 Corps-i Sainik School semdang

Kohima, Rongchii/September 24 (TYO): Rongjui/Sept. 22, 2018 nü Lt Gen Gopal R, AVSM, SM, General Officer Commanding 3 Corps-i Sainik School Punglwa semdangogo, ta tanü Col C Konwer, PRO (Defence)-i sangdong ka nung metetdaktsü.
General Officer, school tonga arudang school nungi senior cadets-i pa nem akhüm agutsü aser special assembly ka agi. Principal, Gp Capt Sharad R Keskar-i General Officer pelaa agizüka liasü.
Cadets den jembidang General Officer-i, pai mapang talangka nungi Sainik School Punglwa semdangnüa sentong yanglua liasü, ta ashi.
Paisa, cadet temi kanga moa, aser nenok training agia officers akumtsüsa maongka lir, aser linük tarutsüji nenok meyong, ta ashi.
Paisa cadets dang shisatsü atema tzüratsüla aser tarutsü nung loktiliba khuret abentsüla, ta ashiba den külemi tanü-asüng adokba gadgets nem mepuadaktsütsü saka kaket azüngtsü yimya sübatsüla, ta ashi.
“Taküm nung shisaliokji kanga tongtibang. Tia tajung, ta asüba olong ya tetezü maket, ajisüka meranga inyakertem ajak asoshi tia tajung lir,” ta paisa ashi.
School assembly tembangba sülen Principal-i school indang pa nem metetdaktsü aser pai school nung Academic Block, Capt Kenguruse Mess aser school campus semdanga liasü.
Paisa staff tem den shisalemsatepa liasü.