3rd Morning Champions’ Cup: All Blacks aser Kohima Raiders-i kokogo

Kohima, Rongjui/September 25 (TYO): Morning Football Association-i aayongzükba 3buba Morning Champions Cup (MCC) league round nung All Blacks Football Club aser Kohima Raiders FC-i pei tata asaya koka full point ngutetogo.
Tanü asaya nung All Blacks puri 4-1 agi Ao Baptist Arogo (KABA) FC madak takok angu.
All Blacks pur atema mezüngbuba goal Kezevituo-i minute 23buba nung idaktsü aser asaya nungsa Shirep, Makho aser Shenieta nungeri minute 27, 33 aser 44buba nung goal kaka idaktsü. KABA atema goal ka ya Akang-i minute 72buba nung idaktsü.
Maneni yashi asaya nung Kohima Raiders-i goal 3 agi Get-Them-Go madak takok angu. Parnok rongnungi Azo, Kenei aser Sanyu-i minute 5, 7 aser 33 buba nung goal kaka idakja liasü.
Telok ajak asaya pezüzü asayaba sülen GetThemGo FC aser KABA FC nati point kaka nguteta Group A aser B ponglang nung lir.
Rongjui/Sept 28 nü asaya yamai alitsü:
Morung United FC vs Amur Falcon FC