19th NSF Martyrs’ Memorial Trophy Tribal Brothers aser Jakhama YO-i takok angu

Kohima, Rongjui/September 25 (TYO): 19buba NSF Martyrs’ Memorial Trophy tanü asaya nung Tribal Brothers aser Jakhama Youth Organisation-i pei tata asaya koka tanabuba round-i iogo. Iba asayamung ya Angami Students’ Union (ASU)-i ayonga Kohima Local Ground (Khuochiezie) nung tang tasayadak lir.
Tanü asaya mezüngbuba nung Tribal Brothers-i goal 3-1 agi A Yhome FC madak takok nguogo. Asaya nung Tribal Brothers pur atema Shürhosül Zhotso-i minute 45 aser 75buba nung goal ana idaktsü aser Laiwang-i minute 70buba nung Tribal Brothers pur atemasa goal ka idaktsü.
A Yhome FC atema goal ka ya Vilhoubeituo Yhome-i minute 84buba nung idakja liasü.
Asaya tanabuba nung Jakhama Youth Organisation-i goal 5 agi Fortunate Youth FC madak takok nguogo. Iba asaya nung Avito Khieya-i hat-trick ka idakja pa iba asayamung nung hat-trick agütsür asayar tanabuba kümogo. Pai minute 17, 21 aser 41buba nung goal asem idakja liasü. Maneni Swedevito Tase-i minute 44buba nung goal pezübuba aser asaya shilem tanabuba nung Kikosato Tetso-i minute 65buba nung goal pongububa idakja parnoki asaya akok.
Rongjui/September 26 nü asaya yamai alitsü:
1. Friends United FC vs Phezhu Boys Club @ 12Noon
2. Kohima Eagles vs Mindland Youth Organisation YO @ 2pm