Sep 29 nungi Oct 2 tashi merükmeju mapa inyaktsü

Dimapur, Rongjui (September) 25 (TYO): September 19, 2018 nü cabinet-i lemtetba ama September 29 nungi October 2, 2018 tashi state ajungalen lokti nübodoka merükmeju mapa inyakba nung MLA temia shilem agitsü metetdaktsüogo.
Home Department-i sangdong ka agütsüba nung Nagaland kübok administrative HQs ajak nem pol/logistic atema sen agütsütsü ta metetdaktsü.
District HQs nem Rs 1,50,000, ADC HQs nem Rs.75,000 aser SDO (C), BM, EAC HQs nem Rs.40,000 agütsütsü.
Lokti nübodoka merükmejuba mapang Department contractors/NGOs aser teloktemi shilem agitsü aser pei pei temeket nung aliba machineries den nübo agütsütsüla.
Administrative officer temi District/sub-division/circle levels nung co-ordination senden ayonga amentsü aser iba mapang pei temeket nung mapa alemtsü aser machineries den nübo bushiteptsü.
Mapa inyakdang kilentzü ayimdak tangbanga aliba, jana bendena aliba tesemtem merüktettsü atema temulung agütsütsüla,
Every citizen has been urged to come forward and participate in the social work.
October 2, 2018 nü lokti nübodoka mapa inyakba tembangtsü. Mahatma Gandhi sor küm 150 ajungba aser Swatchh Bharat Day anogo nung jana endoktsü.