3rd Morning Champions’ Cup: Morung United-i kokogo

Kohima, Rongjui/September 26 (TYO): 3buba Morning Champions Cup (MCC) tanep asaya Morung United-i koka point asem nguogo. Iba asayamung ya Morning Football Association-i ayonga Seikhazou Ground, D Khel Kohima Village nung asayadaki.
Tanep asaya nung Morung United puri tesülen nungi atua Amur Falcon FC goal 5-3 agi kokogo. Asaya nung mezüngbuba goal Amur Falcon nungi asayar Mele-i minute 3buba nung idaktsü saka Bura-i Morung pur atema minute 13buba nung goal ka idakja iba goal küptok. Iba sülen Atoki-i minute 16buba nung Morung pur atema goal tanabuba idakja parnok tejakdang sür asaya mezüngbuba shilem tembang. Asaya tanabubg shilem nung Amur Falcon pur atema Kedi-i minute 38buba nung tanabuba gola idaktsü. Maneni Atoki-i minute 41buba nung Morung pur atema tasembuba goal idaktsü saka anosa Benlo-i minute 54buba nung Amur pur atema goal tasembuba agüja goal kasasa aküm. Ajisüaka iba sülen Talibai Morung pur atema minute 54buba nung aser Bura-i minute 67buba nung ta goal pezübuba aser pongububa agüja parnoki asaya akok.
Rongjui/Sept 27 nü asaya:
Morning FC vs Mustang FC @ 5:30am