Bradley Cooper-i ‘Guardians of the Galaxy 3’ direct masütsü

Rongjui/September 29 (Agencies): Ajaki sapuba Guardians of the Galaxy series tasembuba film ya nüngtugu actor, Bradley Cooper-i direct asütsü aliba tebilembatem toktsüogo.
Tang nüngja agüja maliba film tasembuba atema director tejangja ka mali. Director, James Gunn-i taoba installment ana tashi nung direct asüba sülen Twitter nung pa majungba indang osangtem prokba ajanga Disney-i James agientsüogo.
Arishi küm 43 tain Cooper shibai pa indang musical drama film ‘A Star Is Born’ nung mezüng direct südar, pa dang Guardian Of The Galaxy film tasembuba direct asütsü atema mulunga lir mali ta asüngdangba mapang;
“Ni züluba otsü ka mesüra ni kodanga tangar film ka direct asütsü makok,” ta Rocket Racoon shilem agisang Cooper-i langzü liasü.