Kirin 710 aketba Honor 8X India nung Mongputeni 16 nü sayatsü

Mongputeni/October 3, 2018 (Agencies): Huawei sub-brand Honor-i India nung parnok indang phone tasentiba, Honor 8X Mongputeni/October 16 nü sayatsü renema lir. Honor 8X ya taoba küm sayaba Honor 7X den tatongtep phone asütsü.
Iba phone ya sayaba sülen India nung Huawei indang e-brand smartphone tem rongnung Kirin 710 SoC tasenba aketba mezüngbuba phone asütsü.
Linük nung Honor indang smartphone tem nung Kirin 659 tejenba amshia liasü. Temetettsü kaji Huawei puri Nova 3i den Kirin 710 chipset ita ana tejakdang sayaogo aser iba device ya Malaysia nung Mongputeni/October 9 nü sayatsü aser iba sülen Russia nung Mongputeni/October 10, Czech Republic nung Mongputeni/October 11 aser Bangkok nung Mongputeni/October 24 nü sayatsü renema lir.
Honor 8X, 4GB RAM variant ya sen 15,000 shi asütsü imlar. Kasa mapang nung 6GB RAM variant sen 18,000 shi agi sayatsü.
Honor 8X nung 6.5-inch notch display den Full HD+ resolution 2340×1080 pixels, aser 19.5:9 aspect ratio keta aliba angutsü. Phone nung tashiji Kirin 710 chipset ka ajanga agütsütsü aser 4GB/6GB RAM aser 64GB/128GB internal storage variant nung angutsü.
Honor 8X nung operating system ji Android 8.1 Oreo asütsü koba Android 9 Pie nung amendaker EMUI 9-i upgrade sütettsü.
Camera tsütsü Honor 8X tesülen dual camera setup ka keta aliba angutsü kong 20-megapixel primary sensor den f/1.8 aperture, aser phase detection autofocus keta lir aser iba den secondary 2-megapixel depth sensor ka inokja lir. Tejaklen selfie atema 16-megapixel camera ka den f/2.0 aperture keta lir. Honor 8X nung fingerprint scanner ya tesülen inokja lir aser 3750mAh battery ka ajanga tashi agütsütsü.