2025 nungi mezüngbuba Hydrogen-Electric Passenger Plane ayimtsü

Paris, Mongputeni (October) 3 (Agencies): Alima nung mezüngbuba Hydrogen-Electric Passenger Plane 2025 küm nungi senzütsü.
Iba tayimtsü dang Element One ta ajar aser nisung pezü mener kilometer 500 nungi 5,000 tashi senzütettsü.
Battery-electric aircrafts dang nungi iba tayimtsü ya tajungtiba aser tayimtsü nung ola maliba den tekara aser carbon malitsü.
Iba tayimtsü nung hydrogen fuel cell technology den electric aircraft propulsion design ajanga tashi agütsütsü.
Hydrogen-Electric Passenger Plane indang prototype ka 2025 nung sayatsü aser iba ajanga jila tilatetm aser tayimtsü mesenzüba tesemtem asoshi tajangzük agütsütsü.
Hydrogen-Electric Passenger Plane ya Singapore nung amenoka aliba HES Energy Systems ajanga design asür. Iba company yagi autonomous aerial vehicles atema hydrogen fuel systems yanglur.
HES-isa French company Wingly den sendaktepogo aser iba company yagi regional air travel atema tayimtsütem anepalutsü.
France kija nung tayimtsü anendak 450 nungi shilem 10 nung dang regional airlines ajanga sendaktepa lir. Aji agi, Element One ama Hydrogen-electric-powered aircrafts ajanga tanünga 90% ji sendakteptsü akok, ta Wingly company-i metetdaktsü.