Justice Ranjan Gogoi shisatsü ajanga linük kanga ajangzüktsü: PM Modi

New Delhi, Mongputeni/October 03 (Agencies): Tanü New Delhi nung Justice Ranjan Gogoi, Supreme Court nung Chief Justice atema tenangzükba agiba sülen Ato kilonser, Narendra Modi-i pa nem tenüngsang agutsü.
Tanep Rashtrapati Bhavan, New Delhi nung linük Tir, Ram Nath Kovind-i ketdangsüa Chief Justice of India atema arishi küm 63, Justice Gogoi nem tenangzükba agidakja liasü. Pa kümsükji ita 13 shi asütsü aser sangküm Yimpoksui/November 17 nü mapa nungi anisüngzüktsü.
Ato kilonser, Modi-i, Gogoi shisatsü ajanga linük kanga tajangzük angutsü, ta ashi.
Modi-i twitter ajanga, “Chief Justice of India menden atema tenangzükba agiba asoshi ni Justice Ranjan Gogoi nem tenüngsang agutsür. Pai aika ajangshia inyaka aliba aser pa shisatsü ajanga linük kanga ajangzüktsü. Pa kümsük junga inyaktsü ni moatsür,” ta ashi.