Tebilemtsü Mapa Agiba

Idangji nisung jagi ashi, koba tetsür nai kü den alitsü agütsü, lai iba süngtong nungi kü nem agütsü aser ni achi. Lipok 3:12.
Adam aser Eva nati parnoki temenen inyakba paidoktsü meranga mapa ajak inyak. Adami tebutsü aitsü: “Lai kü nem iba süngtong nungi kü nem agütsü.” Pai Tsüngrem dang temeyong agi tuita, “Nai iba tetsür kü nem agütsü” ta ashi. Evai per nem tai agütsü. “Peri ni ashioktsü, aser ni achi.” Tsüngremi parnoki kuli yanglubatem mezüngshi aser parnok tashi mangaba nungi kechi adoktsü iba obendang ka agütsü.
Meimchir tejashitsü kaji parnoki parnok mapa nung tebilemtsüji magizüker. Asenok tebilemtsü asenoki tangar dang dak tongloktsür. Asenok tanishiri junga merepranger, tsüraburi junga mesayu, tembartemi raksatsü, onok pastori junga sayutsüngi masür, tanurtemi tashi mangar, kinungbo- kinüngtsü tsüngda junga tangatetep mali, mapa peria mangur kanga mazüng tatemzükba kuli aika yanglur! Aji saka asenoki asen mapa nung tebilemtsü khuretji magizük tashi tatok agütsüba aser meyipba agizükbaji malitsü.
Asenoki chichiba temulung meyipba mekatetbaji asenok temenen libaliro yimya asoshi tatemzükba kulitem yanglur. Laishiba nung kar menen asoshi Tsüngremi kar nem tongtsüba mangur. Ne O au süra au, nunga süra nunga ta asütsü Tsüngremi mulungba lir. Asenoki asen tamakok kar nem nünglokja ali tashi kodanga chichiba temulung meyipba dangi marütsü.
Tsüngremi asenok mapa züngdangtsü, tangar mapa masü (2 Korint 5:10). Asen menen metetta alitsü aser iba khuret abentsü teti merangang. Iba Tsüngrem nungi tatok angutsü na nüji kümdaktsütsü aser tanela nung tashi itta küma tejakleni awa aotsü.