Tanur anepaluba rejutem atema outreach sentong akatsü

Dimapur, Mongputeni/Oct. 04 (TYO): Raj Bhavan Kohima ajanga Nagaland tesem balala nung aliba orphanage nungi tanurtem Mongputeni/October 5 nungi 9, 2018 anogotem nung jaoka sentong balala akatsü.
Raj Bhavan Kohima nung iba ama sentong ya tang mezüngbuba süa Nagaland Governor PB Acharya aser pa kinungtsü Kavita Acharya nati ayongba lir.
State yimtiba semdangba mapang tanurtem den coordinator aser parnok anepalurtem ya Raj Bhavan nung nenenzüktsü aser iba mapang tanurtem den sensaksema, asaya tabu balala asayaa, cultural sentong aser magic show amala sentongtem agitsü, ta ketdangsür sangdong ka ajanga ashi.
Nagaland nung tanurtem anepaluba reju 56 shi nung tanur 586 shi lir aser parnok timba Dimapur nung lir. Lokti nung temelenshi tajung bener arutsütsü mechi nüburtemi iba amala sentong ayonga agitsü tim, ta Governor Acharya tangatetba nung iba sentong ya ayongzük.