DDLSA ajanga legal awareness sentong ayonga agi

Principal District and Sessions Judge aser DDLSA mendenpula, Y. Longkumer-i anir DDLSA den Pranabananda Women’s college nung kaketshir, tesayur aser staff tem külemi tangokba noksa nung angur.

Dimapur, Mongputeni/Oct. 04 (TYO): Dimapur District Legal Service Authority (DDLSA) ajanga Mongputeni/October 04, 2018 nü Pranabananda Women’s College, Dimapur nung legal awareness sentong ka ayongzüka agi.
Iba sentong ya Panel Lawyer DDLSA, Nishela-i ketdangsüa agi aser Pranabananda Women’s College indang Principal-i tarur pela agizüka jembi.
Kasa sentong nung Panel Lawyer DDLSA, Tongpok-i ‘Cyber crime’, Panel Lawyer DDLSA, Sentimenla-i “Basic Legal Rights’, Panel Lawyer DDLSA, Zuchumpeni-i ‘Domestic violence’ aser Panel Lawyer Dzuvi-i ‘Consumer Rights’ onük nung jembia liasü.
Principal District and Sessions Judge aser DDLSA mendenpula, Y. Longkumer-i iba sentong tembanga jembiba mapang legal rights tongtibang kar indang lokti den lemsatep.
Ozüng meteta alitsü ya ajak asoshi aser ajaki pei kümzüktsü mechi ozüng tongtibangtem meteta alitsü tim, ta lai ashi.
Laisa iba sentong nung consumer rights aser Domestic violence indang ozüng aser iba dak sendakba nung teyari anguba lenmang balala sayua liasü.
Iba awareness sentong nung kaketshir 370, tesayurtem aser staff tem dena liasü.